Bengladesh Kurippukal
ബംഗ്ലാദേശ് കുറിപ്പുകൾ
ഉപഭൂഖണ്ഡത്തിലൂടെയുള്ള യാത്രകളെക്കുറിച്ചുള്ള ചർച്ചകളിൽ ഏറ്റവും കുറച്ച് പരാമർശിക്കപ്പെടുന്ന പേരായിരിക്കും ബംഗ്ലാദേശ് . വിലക്കപ്പെട്ട കനിയായ പാക്കിസ്ഥാനും ഹിമാലയൻ രാജ്യങ്ങളായ നേപ്പാളും ഭൂട്ടാനും മരതക ദ്വീപായ ശ്രീലങ്കയും തൊട്ട് അഫ്ഗാനിസ്ഥാനും മാലിദ്വീപും വരെയെത്തുന്ന യാത്രാ സ്വപ്നങ്ങളിലൊന്നും പൊതുവേ ബംഗ്ലാദേശ് സ്ഥാനം പിടിച്ചു കാണാറില്ല .
പക്ഷെ ഉപഭൂഖണ്ഡത്തിലെന്നല്ല ഒരുപക്ഷെ ലോകത്തിൽ തന്നെ മറ്റു സമാനതകളില്ലാത്ത തരത്തിലുള്ള ഭൂമിശാസ്ത്രവും ജീവിതരീതിയും കൊണ്ട് അനുഗ്രഹീതമാണ് ബംഗാളിൻ്റെ ഈ ഡെൽറ്റാ ഹൃദയഭൂമി . ഇന്ത്യയുടെ വടക്കൻ സമതലങ്ങളിലും ഹിമാലയത്തിലൂടെയുമൊഴുകുന്ന ജലത്തിൻ്റെയും എക്കലിൻ്റെയും സിംഹഭാഗവും വന്നെത്തിച്ചേരുന്ന ചതുപ്പു സമതലം , ജമുനയും പത്മയും മേഘ്നയും അതിൻ്റെയെല്ലാം അസംഖ്യം കൈവഴികളും കൂടി ചേർന്നെഴുതുന്ന അതുല്യമായ ഭൂമി ശാസ്ത്രം . ആയിരക്കണക്കിനാൾക്കാരെ കുത്തിനിറച്ച് പോകുന്ന ഭീമാകാരൻ കടത്തുബോട്ടുകളും ചൂണ്ടയും വലയുമായിറങ്ങുന്ന ഒറ്റയാൾ കൊതുമ്പുവള്ളങ്ങളും ജലനിരപ്പിനോട് ചേർന്ന് പരന്ന് കിടക്കുന്ന പാടങ്ങളും നദീതീരങ്ങളിലെ ജനനിബിഡമായ പട്ടണങ്ങളും ചേർന്ന കണ്ണഞ്ചിപ്പിക്കുന്ന കാഴ്ചകളുടെ നാട്….. അതിനുമപ്പുറം വിഭജനം എങ്ങിനെ ഒരു സംസ്കാരത്തെ നേരിട്ട് ബാധിച്ചു എന്നതിൻ്റെ നേർക്കാഴ്ച്ച, മതപരമായ ആ വിഭജനത്തെ മറികടന്ന ബംഗാളി സാംസ്കാരികതയും ദേശീയതയും ഒരു മലയാളി ഒറ്റയാൻ യാത്രികന് നൽകുന്ന പ്രത്യാശകൾ….
₹150.00 Original price was: ₹150.00.₹135.00Current price is: ₹135.00.
