Akasha Velicham

ആകാശ
വെളിച്ചം

വൈ. എ സാജിദ

പെണ്‍ ജീവിതങ്ങള്‍ അവരുടെ തീക്ഷണമായ സൂക്ഷ്മതയാല്‍ തിരിച്ചറിയുന്ന ഒരു സമൂഹമുണ്ട്. ആ കണ്ടെത്തലുകളില്‍ നിന്നും വരച്ചിടുന്ന ജീവിതങ്ങള്‍ ഏറെ വ്യത്യസ്തവും ശക്തവുമായിരിക്കും. വൈ. എ സാജിത എന്ന എഴുത്തുകാരി രൂപപ്പെടുത്തുന്ന കഥാപാത്രങ്ങളുടെ അവസ്ഥകള്‍ നമ്മെ പുതിയ ചില ആലോചനകളിലേക്ക് കൊണ്ടുപോകുന്നു. പെണ്ണിന് മാത്രം കണ്ടെത്താനും തുറന്നു പറയാനും കഴിയുന്ന ചില മുഹൂര്‍ത്തങ്ങള്‍ ആകാശ വെളിച്ചത്തില്‍ ഉണ്ട്. നിരവധി കഥാപാത്രങ്ങളുടെ പൊള്ളുന്ന വേദനയുടെ ആഴമാണ് ആകാശ വെളിച്ചത്തിലൂടെ വായനക്കാര്‍ക്ക് മുന്‍പില്‍ എത്തുന്നത്. സമൂഹം രഹസ്യമായി വെക്കുന്ന ക്രൂര വിനോദങ്ങളെ ഈ എഴുത്തുകാരി നിര്‍ഭയത്തോടെ തച്ചുടയ്ക്കുന്നു. തനതായ ഭാഷ കൊണ്ട് അനുഭവങ്ങളെ വായനക്കാര്‍ക്ക് മുന്‍പില്‍ പ്രകടിപ്പിക്കുമ്പോള്‍ ജീവിതത്തില്‍ എല്ലാം നഷ്ടപ്പെട്ടിട്ടും ചിലതിന്റെയൊക്കെ രൂപം ചാരി നില്‍ക്കുന്ന പല മനുഷ്യരെയും ഇവിടെ കാണാം. ഹൃദയസ്പര്‍ശിയായ ഈ കഥാസമാഹാരം ഓരോ മനുഷ്യന്റെയും അനുഭവങ്ങളെ തൊട്ടുണര്‍ത്തുന്നതാണ്. – ഡോ. ഹസീന സാബിര്‍