Anandabhaaram

ആനന്ദ
ഭാരം

ജിസ ജോസ്

ചപലവും അസ്ഥിരവുമെങ്കിലും ഭ്രദമെന്നു കരുതപ്പെടുന്ന ജീവിതങ്ങളിലേക്ക് തികച്ചും അപ്രതീക്ഷിതമായ സംഭവങ്ങള്‍ സൃഷ്ടിക്കുന്ന അസ്വസ്ഥതകളും നൈരാശ്യങ്ങളും ഒപ്പം ഇത്തിരി സന്തോഷങ്ങളും അനാവരണം ചെയ്യുന്ന നോവല്‍. ചെറിയ ആനന്ദങ്ങളും നീരസങ്ങളുമൊക്കെയായി സ്വച്ഛമായൊഴുകുന്ന ഓളപ്പരപ്പുകളില്‍നിന്ന് ആകസ്മികമായി നിലയില്ലാത്ത ആഴങ്ങളിലേക്ക് ആണ്ടുപോകുന്ന ജീവിതങ്ങള്‍. പത്തു വര്‍ഷമായി കിടപ്പുരോഗിയായ വിനോദിനിയുടെയും അവരെ ശുശ്രൂഷിക്കുന്ന രത്‌നമേഖലയുടെയും അവളുമായടുക്കുന്നവരുടെയും അനുഭവങ്ങളില്‍ പ്രണയവും, അധികാരവും മരണവും കവിതയും കാമവും വേര്‍തിരിച്ചെടുക്കാനാവാത്തവിധം കൂടിക്കലരുന്നു. ജീവിതത്തിലെ അല്പമാത്രമായ ആനന്ദമൂര്‍ച്ഛകളുടെ ഭാരം ചിലപ്പോഴൊക്കെ അവര്‍ക്ക് താങ്ങാനാവാത്തതാവുന്നു. എല്ലാം അസ്ഥിരമാണെന്നറിഞ്ഞിട്ടും ആസക്തിയോടെ ലോകത്തില്‍ അള്ളിപ്പിടിക്കാന്‍ വെമ്പുന്ന മനുഷ്യരുടെ വേവലാതികളെ ദാര്‍ശനികമായി നോക്കിക്കാണാനുള്ള ശ്രമവും ഈ കൃതിയില്‍ കാണാം.