Avarthanam

ആവര്‍ത്തനം

പ്രീതി ചിറ്റടിമേല്‍

മഞ്ഞും, മഴയും, കാറ്റും വെയിലുമേറ്റുറങ്ങുന്ന, പ്രതീക്ഷ കണ്ടു വീണ്ടുമുണരുന്ന ഭൂമിയില്‍ ആവര്‍ത്തിക്കപ്പെടുന്ന ”ആവര്‍ത്തനങ്ങള്‍! പുതുചിരികളിലും, പഴങ്കരച്ചിലുകളിലും അഴുകിച്ചേര്‍ന്ന രക്തത്തിന്റെ, മാംസത്തിന്റെ, മജ്ജയുടെ, തുടിച്ച- നിലച്ച- തുടുത്ത ഹൃദയങ്ങളുടെ ആവര്‍ത്തനങ്ങള്‍..

അസ്തിത്വത്തിന്റെ ‘ചാരനിറം’ ബാക്കിവയ്ക്കുവാന്‍ വീണ്ടും ആവര്‍ത്തിക്കപ്പെടേണ്ട ജനിമൃതികളുടെ ആവര്‍ത്തനങ്ങള്‍. അര്‍ത്ഥശൂന്യമായ യാത്രയില്‍ നമുക്കുമീതെ ആകാശമേഘങ്ങള്‍ ഉരുണ്ടുകൂടുന്നു, കേള്‍ക്കാത്ത സ്‌നേഹത്തിന്റെ തേങ്ങലുകള്‍ക്കുമീതെ അലച്ചുപെയ്യുന്ന പേമാരിയായി വീണ്ടും മണ്ണില്‍ പൊഴിയുന്നു.