Devi Nee Parayaarund

ജീവിതത്തിന്‍റെ കണ്ണാടിയില്‍ ചില നിമിഷങ്ങള്‍
അവിസ്മരണീയങ്ങളാണ്. ചിലത് വിസ്മൃതങ്ങളും.
വേദനയും കണ്ണീരും സന്തോഷവും ആശ്വാസവും
പുരണ്ട അവിസ്മരണീയങ്ങളായ ആ നിമിഷങ്ങളെ
പുനരാവാഹിക്കുകയാണ് എഴുത്തുകാരന്‍.
നിസ്സംഗമായ മിതഭാഷണമാണ് ഈ കുറിപ്പുകളുടെ
പൊതുഘടനയെങ്കിലും ജീവിതത്തിന്‍റെ എല്ലാ പച്ചപ്പുകളും
അതിന്‍റെ നഗ്നമായ യാഥാര്‍ത്ഥ്യത്തോടെ ഈ അനുഭവങ്ങളുടെ
അന്തര്‍ധാരയാവുന്നു. ജീവിതം കൊഴിച്ചിട്ട സന്ധ്യാംരങ്ങള്‍,
ഊഷരമായ പകലുകള്‍, ധ്യാനദീപ്തമായ രാത്രികള്‍,
വ്യക്തികളും കാലവും വിരുന്നെത്തിയ മൗനമുദ്രിതമായ
ആന്തരാനുഭവങ്ങള്‍, അവയില്‍ നിന്നും ഉണര്‍ന്നൊഴുകിയ
വാങ്മൊഴികള്‍. കെ.വി. മോഹന്‍കുമാറിന്‍റെ
ഈ അനുഭവക്കുറിപ്പുകളിലൂടെ കടന്നുപോകുന്ന
ഓരോ വായനക്കാരനിലും
സൃഷ്ടിക്കുന്ന സമ്മിശ്രവികാരങ്ങള്‍ ഇതെല്ലാമാണ്