ദസ്തയേവ്‌സ്‌കി
ഭൂതാവിഷ്ടന്റെ ഛായാപടം
പി.കെ രാജശേഖരന്‍
മലയാളത്തിലെ ദസ്തയേവ്‌സ്‌കി പഠനങ്ങളിലെ ഉയര്‍ന്ന ശിരസ്സാണ് പി.കെ. രാജശേഖരന്റെ ഈ ഗ്രന്ഥം. ദസ്തയേവ്‌സ്‌കിയെ ഒരു രചയിതാവ് എന്നതിനപ്പുറം ഭാവനാബന്ധങ്ങള്‍, പരിഭാഷകള്‍, സിദ്ധാന്തവിചാരങ്ങള്‍ എന്നിങ്ങനെ പല രൂപത്തില്‍ തുടര്‍ജീവിതം
കൈവന്ന ഒരു വിപുലപാരമ്പര്യമായി പരിഗണിക്കുകയാണ് രാജശേഖരന്‍ ചെയ്യുന്നത്. ഇരട്ട, കുറ്റവും ശിക്ഷയും, കരാമസോവ് സഹോദരന്മാര്‍ എന്നീ നോവലുകളെക്കുറിച്ചുള്ള സൂക്ഷ്മവിചിന്തനങ്ങളും, ദസ്തയേവ്‌സ്‌കിയെക്കുറിച്ചുള്ള പഠനങ്ങള്‍വഴി ഇരുപതാം നൂറ്റാണ്ടിലെ സാഹിത്യ-സംസ്‌കാര ചിന്തയിലെ മഹാപ്രഭാവമായിത്തീര്‍ന്ന മിഹയില്‍ ബഹ്ചിന്റെ വിചാരലോകത്തിന്റെ വെളിച്ചവും, ദസ്തയേവ്‌സ്‌കി പരിഭാഷയുടെ ചരിത്രവും ഇടകലര്‍ന്നൊഴുകുന്ന അനന്യമായ രചനയാണിത്. ദസ്തയേവ്‌സ്‌കിയുടെ ഭാവപ്രപഞ്ചത്തിന്റെ സങ്കീര്‍ണ്ണതകളും ഇരുള്‍വഴികളും ഈ പഠനത്തില്‍ ആഴത്തില്‍ പതിഞ്ഞുകിടക്കുന്നു. സ്വര്‍ഗ്ഗവും നരകവും ഒരുമിച്ചു പേറിയ ഇരട്ട ജന്മങ്ങളായിരുന്നു അദ്ദേഹത്തിന്റെ കഥാപാത്രങ്ങള്‍, ഈ അടിസ്ഥാനതത്ത്വത്തിലൂടെ ദസ്തയേവ്‌സ്‌കിയിലേക്ക് പുതിയൊരു വഴി തുറക്കുകയാണ് രാജശേഖരന്‍.
-സുനില്‍ പി. ഇളയിടം
ദസ്തയേവ്‌സ്‌കിയുടെ കൃതികളിലൂടെയും പരിഭാഷാ ചരിത്രത്തിലൂടെയും ഒരു നിരൂപകന്‍ നടത്തുന്ന സര്‍ഗ്ഗാത്മകസഞ്ചാരം.
Original price was: ₹250.00.₹210.00Current price is: ₹210.00.
Powered by Techoriz.
