Karambu

കറാമ്പൂ

എസ്.കെ പൊറ്റക്കാട്

ഒരു പൂനിലാവുള്ള രാത്രി. ജീസസ് കോട്ടയും നോക്കിനില്‍ക്കുമ്പോള്‍ നോവലിസ്റ്റ് അതിന്റെ പൂര്‍വകാല ചരിത്രത്തിലേക്കൊന്നൂളിയിട്ടിറങ്ങി. ആ സമയത്ത് ഒറ്റക്കണ്ണനായ ഒരു അറബി അദ്ദേഹത്തെ സമീപിച്ചു അയാളുടെ കരുവാളിച്ച മുഖത്ത് ആ ഒറ്റക്കണ്ണ് നിലാവില്‍ ഒരു കുപ്പിച്ചില്ലുപോലെ വെട്ടിത്തിളങ്ങുന്നുണ്ടായിരുന്നു. ആപരിചിതന്‍ – ഹസ്സന്‍ബിന്‍ അലി – ജീസസ് കോട്ടയില്‍ വച്ചു നടന്ന ഒരു പ്രേമകഥ കേള്‍പ്പിച്ചു. സാഞ്ചിബാര്‍ സുല്‍ത്താന്‍ ബീഗം കറാമ്പൂ ഒരു പറങ്കിപ്പടയാളിയില്‍ അനുരക്തയായിത്തീര്‍ന്ന ആ കഥ ആയിരത്തൊന്നു രാവുകളുടെ കഥയെക്കാളും രോമാഞ്ചജനകമായിരുന്നു.