Priyappetta Leo

ലിയോ ടോള്‍സ്റ്റോയിയുടെ സഹധര്‍മ്മിണിയെ സാഹിത്യലോകവും റഷ്യന്‍ ഔദ്യോഗികമാധ്യമങ്ങളും അതിക്രൂരമായി കുറ്റപ്പെടുത്തിയ ചരിത്രം നമുക്കു മുന്നിലുള്ളപ്പോള്‍, എഴുത്തുകാരന്‍ ആ ധാരണ പൊളിച്ചെഴുതുകയാണ്. ഭര്‍ത്താവിന്‍റെ ദാരുണമരണത്തിന്‍റെ പഴി മുഴുവനും വന്നുവീണത് പത്നി സോഫിയയുടെ ചുമലില്‍. ഭാര്യ സോഫിയയും ശിഷ്യന്‍ ചെര്‍ത്ത്ക്കോവും ഇരുവശങ്ങളില്‍നിന്നും ആ മഹാത്മാവിനെ പിച്ചിക്കീറുകയായിരുന്നോ? ചരിത്രത്തെ വാസ്തവികതയുടെ കണ്ണടയിലൂടെ നോക്കിക്കാണുകയാണ് “പ്രിയപ്പെട്ട ലിയോ” എന്ന നോവലില്‍. മരണത്തില്‍പോലും ഭര്‍ത്താവിനെ ഒരു നോക്ക് കാണാനാവാതെ ആള്‍ത്തിരക്കിനിടയില്‍ ജനലഴിയിലൂടെ നോക്കി നില്‍ക്കേണ്ടിവന്ന സാധ്വിയെ നാം അറിയാതെ പോയതെന്തുകൊണ്ടാണ്?