Swayamvaram

സ്വയംവരം

അടൂര്‍ ഗോപാലകൃഷ്ണന്‍

അരനൂറ്റാണ്ട് പിന്നിട്ട മലയാളത്തിന്റെ ക്ലാസിക് ചലച്ചിത്രം

‘സ്വയംവരം’ മലയാളസിനിമയ്ക്കു നല്കിയത് ഗതിമാറ്റത്തിന്റെ റീലുകളായിരുന്നു. തിരശ്ശീലയില്‍ നവതരംഗത്തിന്റെ തീനാമ്പായി മാറിയ ഈ രചന, കാഴ്ചയുടെ ചരിത്രം തന്നെ തിരുത്തിക്കുറിച്ചു; സമാന്തരചലച്ചിത്രപ്രസ്ഥാനത്തിന്റെ സ്ഥിരമേല്‍വിലാസമായി. ആശയ-ആഖ്യാന പുതുസീമകള്‍ കണ്ടും കീഴടക്കിയുമായിരുന്നു വിശ്വത്തിന്റെയും സീതയുടെയും യാത്ര. അനുഭവത്തിന്റെയും അഭിരുചിയുടെയും അനുഭൂതിയുടെയും ലാവണ്യത്താല്‍ കാണിജീവിതത്തെ ‘സ്വയംവര’ത്തിനു മുന്‍പും പിന്‍പും എന്ന് – പകുത്ത അഭ്രശില്പത്തിന് അരനൂറ്റാണ്ട് തികഞ്ഞിരിക്കുകയാണ്. മികച്ച ചിത്രത്തിനും സംവിധായകനും നടിക്കും ഛായാഗ്രാഹകനുമുള്ള ദേശീയപുരസ്‌കാരം നേടികൊടുത്ത ഈ തിരക്കഥ, അനുവാചകന് അര്‍ഥപൂര്‍ണമായ ഒരു സിനിമാ വായന സാധ്യമാക്കുന്നു.