Theranjedutha kavithakal

തെരഞ്ഞെടുത്ത
കവിതകള്‍

ഡി വിനയചന്ദ്രന്‍

“സാംസ്കാരികവൈവിദ്ധ്യം ഇത്രയേറെ പ്രകടമാക്കിയ മറ്റൊരു മലയാളകവിയില്ല എന്നു പറഞ്ഞാൽ അതിൽ അതിശയോക്തിയുടെ അംശങ്ങൾ കുറവാണ്. നാടോടിക്കലകൾ, ക്ലാസ്റ്റിക് കലകൾ അവയുടെ വ്യത്യസ്‌ത രൂപഭാവങ്ങൾ. ചിത്രകല, ശില്പകല, സംഗീതം. നാടകം. സിനിമ എന്നിവയുടെയെല്ലാം അനുഭവ വിശേഷങ്ങൾ ഈ കവിതകളിൽ ഇഴുകിച്ചേർന്നിട്ടുണ്ട്. പ്രമേയത്തിന്‍റെ വൈപുല്യം കവിയുടെ അനുഭവസമ്പത്തിനെയാണ് കാട്ടിത്തരുന്നത്. പ്രണയം. ജീവിതപരീക്ഷയാക്കി മാറ്റിയ കവിയാണ് വിനയചന്ദ്രൻ. കേവലം സ്ത്രീപുരുഷബന്ധമോ ആസക്തിയോ രതിയോ അല്ല കവിക്ക് പ്രണയം. പ്രപഞ്ചത്തിൻ്റെ സാകല്യമാണ് ഇവിടെ പ്രണയം. പ്രകൃതി-പുരുഷ സമാഗമമായും ശിവ-ലാസ്യ നടനമായും യോഗനിദ്രയായും അത് രൂപം മാറുന്നത് കാണാം. സംഘസംസ്കൃതിയുടെ പിൻപാട്ടുകാരനാണ് ഈ കവി. തിണകളുടെ കല്പ‌നകൾ താൻ ചെല്ലുന്ന മണ്ണിലെല്ലാം തിരിച്ചറിയുന്നുണ്ട്. അതിനാൽ മുല്ലയും പാലയും കുറിഞ്ഞിയും മരുതവും നെയ്‌തലും ഈ പ്രപഞ്ചത്തിലെങ്ങും തിരയുകയും കണ്ടെത്തുന്ന ഭൂമിയിലെ തിണക്കാരനായി മാറാൻ ശ്രമിക്കുകയും ചെയ്യുന്നതായിരുന്നു ആ ജീവിതം.”