Visudha Hutha

വിശുദ്ധ
ഹുത

നീതി സുഭാഷ്

മലയാളിയ്ക്ക് ഇന്നേവരെ പരിചിതമല്ലാത്ത ജീവിതമാണ് വിശുദ്ധഹുതയിലൂടെ നീതസുഭാഷ് ആവിഷ്‌ക്കരിക്കുന്നത്. ഗള്‍ഫ് പ്രവാസം മലയാള സാഹിത്യത്തിലേക്ക് അപൂര്‍വ്വമായ പ്രമേയങ്ങളും ദേശങ്ങളും കൊണ്ടുവന്നിട്ടുണ്ട്. ഈ കൃതി ശ്രദ്ധേയമാകുന്നതും ഇത്തരമൊരു ഭൂമികയിലാണ്. പ്രണയത്താല്‍ ആഹുതി ചെയ്യപ്പെട്ട ഹുത മുഹമ്മദിന്റെ ഉള്‍ത്താപങ്ങള്‍ വായനക്കാരെ പൊള്ളിക്കും. ഒരു കഥാപാത്രം കേവലതകളെ മറികടന്ന് വിശുദ്ധജന്മം തന്നെയായി മാറുകയാണ്. ഗള്‍ഫ് പ്രവാസത്തിലെ മുസ്ലിം സാമൂഹിക ജീവിതത്തിന്റെ എത്രയോ മനോഹരമായ അടരുകള്‍ ഈ പുസ്തകത്തിലുണ്ട്. കുംഭാരകോളനി എന്ന നോവലിലൂടെ ശ്രദ്ധേയയായ എഴുത്തുകാരിയുടെ മറ്റൊരു ഉജ്ജ്വല രചന.