ദൈവത്തിനയക്കുന്ന കത്തിന് പിശാച് മറുപടിയെഴുതുന്ന കീഴ്മേൽ മറിഞ്ഞ ഒരു കാലത്തിന്റെ കിതപ്പുകളാണ് ശിഹാബുദ്ദീൻ പൊയ്ത്തുംകടവിന്റെ കഥകളിൽ നിറയുന്നത്. ചീർത്ത മെത്തകളിൽ ചുരുണ്ടുകിടക്കുന്നവരുടെ കൂർക്കംവലികളല്ല, കൂർത്ത കുരിശുകളിൽ ചോരവീഴ്ത്തി നിൽക്കുന്നവരുടെപിടച്ചിലുകളാണ് ഈ കഥകൾ ഒരാഘാതത്തോടെ പകർന്നുനൽകുന്നത്. സത്യവും സ്വപ്നവും ശിഹാബുദ്ദീൻ പൊയ്ത്തുംകടവിനെ സംബന്ധിച്ചിടത്തോളം സംഭ്രമിപ്പിക്കുന്ന സ്വന്തം കാലത്തോട് നിരന്തരം സംവദിക്കാനുള്ള ഉപാധികൾ മാത്രമാണ്. ശിഹാബുദ്ദീന്റെ കഥകളൊക്കെയും കരൾ നഷ്ടപ്പെട്ട ഒരു കാലത്തിനെതിരെയുള്ള കിതപ്പിൽ കുതിർന്ന കലാപങ്ങളാണ്.
നൂല്മാല
മൊഴിയും പൊരുളും
ഡോ. പി സക്കീര് ഹുസൈന്
ലിപ്യന്തരണം: കെ.കെ മുഹമ്മദ് അബ്ദുല് കരീം
ഖാളി മുഹമ്മദിന്റെ ജീലാനി സ്തുതിഭാഷ്യമായ മുഹിയുദ്ദീന് മാലയ്ക്കു ശേഷം ഏതാണ്ട് ഒന്നര നൂറ്റാണ്ട് കഴിഞ്ഞ് വിരചിതമായ നൂല്മാല ശൈഖവര്കളുടെ തേജോമയമായ വ്യക്തിത്വവും സംഭവ ബഹുലമായ ജീവിതവും ആധ്യാത്മിക വിചാര വിശേഷങ്ങളും അംശാശമായി പിരിച്ചെടുത്ത് ഒരു ദാര്ശിനികന്റെ ചിന്തവൈഭവത്തോടെ മനോഹരമായി കോര്ത്തിരിക്കുന്നതാണ്. മൂലഗ്രന്ഥകാരന്റെ ആശയഗഹനതയും പദക്ലിഷ്ടതയും നീക്കി വായനക്കാരനെ സാരം നന്നായി ഗ്രഹിപ്പിക്കുന്നതിന് ഏറെ സഹായകമാണ് നേരത്തെ കുഞ്ഞായിന് മുസ്ലിയാരുടെ കപ്പപ്പാട്ടും നൂല്മദ്ഹും മൊഴിമാറ്റി വിശദമായ പഠനം സഹിതം പ്രസിദ്ധപ്പെടുത്തി പ്രസിദ്ധനായ ഡോ.പി. സക്കീര് ഹുസ്സൈന്റെ ആസ്വാദനം.
