‘ആരും എഴുതിയില്ലെങ്കിലും കഥ മനുഷ്യരില് നിന്നു മനുഷ്യരിലേക്ക് അതിന്റെ യാത്ര തുടരും. അതിന്റെ ആനന്ദത്തിനു പകരം വയ്ക്കാന് യാതൊന്നും മാനവരാശി കണ്ടെത്തിയിട്ടില്ല. പറയാന് ഒരു കഥയും ഇല്ലാതായാല് മനുഷ്യന് ദാരുണമായി മരിച്ചു പോകും. കഥയെഴുത്തുകാരി ആയിത്തീര്ന്നതില് ഒരു കഥയുണ്ട് എന്ന തോന്നലില്നിന്നാണ് ഈ പുസ്തകം. ഇതു കഥാകൃത്തിന്റെ പൂര്ണമായ ആത്മകഥയല്ല. പക്ഷേ, കഥയുമായി ബന്ധപ്പെട്ട കഥകളും കഥാപാത്രങ്ങളും സംഭവങ്ങളും ഇതിലുണ്ട്. എഴുതാന് വെമ്പി നില്ക്കുന്ന ആരെങ്കിലും ഇതു വായിച്ച് എഴുതിത്തുടങ്ങുന്നെങ്കില് ആകട്ടെ, ലോകം നിലനിലനില്ക്കാന് പുതിയ പുതിയ കഥകള് ആവശ്യമുണ്ട്.”
ഇന്ഡോ
അറബ്
ബന്ധങ്ങള്
സയ്യിദ് സുലൈമാന് നദ് വി
കേവലം ചരിത്രം പറഞ്ഞു പോവുകയല്ല ഗ്രന്ധകർത്താവ് ഇവിടെ ചെയ്യുന്നത്. അറബികളും ഇന്ത്യക്കാരും തമ്മിലുള്ള ബന്ധങ്ങളുടെയും വിനിമയങ്ങളുടെയും വിസ്മൃതമായ ഒട്ടേറെ കണ്ണികൾ പുറത്തു കൊണ്ടുവരുന്നു. ബന്ധങ്ങളുടെ ഊഷ്മളതയും പാരസ്പര്യവും വ്യക്തമാക്കുന്ന അപൂർവ സംഭവത്തിലേക്ക് വെളിച്ചം വീശുന്നു. ഗംഗാനദി സംബന്ധിച്ച മുസ്ലിം നിഗമനങ്ങളും ആദംമലയെ തീർത്ഥകേന്ദ്രമായി കാണുന്ന മൂന്ന് മത വിഭാഗങ്ങളെപ്പറ്റിയുള്ള വിവരണവും ഹിന്ദുക്കൾ വേദക്കാർക്ക് സമനാരാണെന്ന അറബികളുടെ കണ്ടെത്തലും ആയിരം വര്ഷങ്ങൾക്കു മുമ്പേ വിശുദ്ധ ഖുർആൻ ഹിന്ദിയിലേക്ക് പരിഭാഷപ്പെടുത്തി താൽപര്യപൂർവം കേൾക്കുമായിരുന്ന ഹിന്ദുരാജാവിനെപ്പറ്റിയുള്ള പരാമർശവും ഒക്കെ കൂട്ടിച്ചേർത്തു ഈ കൃതിയെ ഹിന്ദു-മുസ്ലിം മൈത്രിയുടെയും സാമുദായിക സൗഹാര്ദത്തിന്റെയും പൂർവപാതയിലേക്ക് ഇന്ത്യൻ ജനതയെ തിരിച്ചു നടത്താൻ ചരിത്രത്തെ എത്ര ചേതോഹരമായി കൂട്ടു പിടിക്കാം എന്ന് വ്യക്തമാകുന്ന ഒരപൂർവ്വ ചാരുതയാർന്ന അനുഭവമാക്കി മാറ്റിയിരിക്കുന്നു.
